O temporal ‘Fabien’, que afectou Galicia ao longo deste sábado, deixou refachos de vento que superan os 140 quilómetros por hora en varias localidades galegas, entre elas, As Neves e Oia.
Así o poñen de manifesto os datos recolleitos polos sensores de Meteogalicia, que dan testemuño de ventos que excederon os 176 quilómetros por hora na cabeza de Manzaneda ou os 166 quilómetros por hora en Punta Candieira, en Cedeira.
No municipio pontevedrés das Neves, os refachos rozaron os 144 quilómetros por hora, mentres que en Oia superaron os 129.
En canto á ondada, as boias de Portos do Estado reflicten a virulencia do temporal marítimo, que mantén activada a alerta vermella. En concreto, a boia de Cabo Vilán-Illas Sisargas rexistra a última hora deste sábado oleas de case 9 metros e medio, mentres que a de Estaca de Bares reflicte ondada de 8,68 metros de altura. Pola súa banda, a boia de Cabo Silleiro, na costa de Pontevedra, rexistrou ondas de case 8 metros.
Onda batendo na costa en Cabo Silleiro durante o temporal / @miguelnúñez 
A borrasca Fabián en Baiona / @Miguelnúñez 
As ondas batendo na costa durante a borrasca Fabián / @miguelnúñez 
A xente achégase a costa a ver os efectos do mar e do vento durante o temporal / @miguelnúñez 
Ondas en Cabo Silleiro durante o temporal / @miguelnúñez 
Numerosas persoas se achegaron á costa para ver os efectos do vento e das ondas que deixa o paso da borrasca / @miguelnúñez 
En Cabo Silleiro chegaron a rexistrarse ventos de preto de 140 quilómetros por hora / @miguelnúñez
Precisamente, en Cabo Silleiro estiveron as cámaras do Xornal de Vigo, tal e como se pode ver nestas instantáneas.
