Así o anunciou o alcalde Paco Ferreira durante o concerto de Santa Icía deste venres no auditorio Lois Tobío co gallo do 40 aniversario do Conservatorio Municipal de Gondomar, o único conservatorio da comarca do Val Miñor.

O anuncio da iniciativa foi ao remate das actuacións,  “unha decisión moi meditada” sinalou Ferreira, “pola adicación de Conchita como mestra e directora durante 30 anos da súa vida e o legado de músicos que saíron deste conservatorio grazas ao esforzo e empeño de Conchita por sacar adiante, non sen dificultades, o conservatorio municipal “.

Ferreira anunciou que vai levar ao pleno, co beneplácito da familia, a proposta para que o conservatorio de Gondomar leve o seu nome, “para sempre, como homenaxe a súa figura “.

Concerto adicado a Conchita

O emotivo concerto de onte estivo adicado á que foi durante 30 anos a sua directors, Conchita Quintas, falecida en decembro de 2019 e contou coa participación do alumnado e profesorado do centro así como a participación de ex alumnos do Conservatorio acompañados polos seus fillos que actualmente estudan no centro. Pechando este círculo vital xeracional dos 40 anos do centro.

Ao acto tamén acudiron familiares de Conchita Quintas que deron colofón ao acto cunha foto final de familia e o compromiso do alcalde e a concelleira de educación Iria Lamas, de porlle o nome de Conchita Quintas aos conservatorio municipal.