A sala de comunicacións do 092 da Policía Local de Vigo rexistrou este fin de semana, desde as 07.26 horas do pasado venres, 30 de decembro, un total de 151 incidencias.

De todas elas, tan só nove alertas recibíronse o venres, 30 de decembro. A “marca” de incidencias recolleuse o sábado, 31 de decembro, con 112, mentres que o primeiro día de 2023 rexistráronse 31.

Segundo fontes policiais, ao longo do fin de semana, producíronse caídas de árbores e valos, desprazamentos de sumidoiros, incidencias provocadas por colectores e balsas de auga en toda a cidade.

A primeira incidencia recollida relacionada coa caída de árbores tivo lugar o pasado venres, 30 de decembro, ás 07.26 horas nas proximidades do Hospital Álvaro Cunqueiro de Vigo aínda que a alerta “non tivo maior transcendencia”. Tampouco o aviso recolleito pola rama dunha árbore caída no Camiño de Rioboo e na rúa Padrón do Couto como consecuencia do vento, xa que en ambos os casos tratábanse de ramas de “pequenas dimensións”.

A caída de árbores e ramas tamén obrigou á Policía Local a actuar en Marqués de Alcedo, na Avenida de Ramón Nieto, en Conde, na Avenida de Samil, na Estrada de Clara Campoamor e no Camiño da Igrexa.

BALSAS DE AUGA

Así mesmo, as precipitacións provocaron numerosas balsas de auga en todo Vigo. O primeiro aviso relacionado con esta incidencia produciuse o sábado, 31 de decembro, ás 18.11 horas, na Estrada de Moledo.

Tamén se recolleron avisos de balsas de auga nas rúas Sárdoma Polígono de Miraflores, Avenida do Alcalde de Lavadores, Avenida de Ramón Nieto, Estrada de Bembrive, Costa da Peteta, rúa dos Olimpicos, Camiño Rial e a Avenida do Aeroporto.

O episodio máis destacado tivo lugar este domingo, 1 de xaneiro, ás 19.53 horas na rúa de Canido. Alí, os Bombeiros de Vigo, que tiveron que achicar a auga da zona, solicitaron unha dotación policial para cortar a rúa.

Unha vez no lugar, os axentes comprobaron que había dúas casas alagadas debido á gran cantidade de auga caída e que a Xunqueira, por onde pasa o regato do Vao, sobordou, afectando as vivendas.

Para facer fronte á situación, tívose que facer uso dunha motobomba que achicou todo a auga durante a noite. Iso obrigou a cortar o tramo de estrada desde a rotonda do campo de fútbol ata o Porto de Canido.

Ademais, numerosos sumidoiros foron desprazadas nas rúas Arenal, Isaac Peral, Marqués de Valladares, Colón, Vázquez Varela, Manuel Álvarez, Cañiza, Baixada a Ríos, Castrelos, Estrada de Valadares e na Baixada á Salgueira.

VALOS CAÍDOS

Tal e como informou a Policía Local nun comunicado, o primeiro aviso recolleuse o pasado venres, 30 de decembro, ás 19.09 horas na Avenida da Beiramar debido ao perigo que supuña para os vehículos un buraco “de grandes dimensións”. A unidade desprazada ata a zona tivo que colocar os valos para alertar aos condutores do risco.

Deste tipo de episodios tamén se recolleron avisos nas rúas Urzáiz, Aragón, Praza de Isabel a Católica, Paulino Freire, Paseo de Bouzas, Praza América, Nicaragua, Bravo, Rolda de Don Bosco, Tomás Paredes, Camelias e Pintor Mario F. Granell.

Pola súa banda, os funcionarios tiveron que actuar, ante a aparición de colectores no medio da vía en rúas como Urzáiz, Tomás Paredes, Baiona, Florida, Castelao, Jerano de la Fuente, Avenida de Samil, Burgos, Buenos Aires e Avenida de Madrid.

Por último, rexistráronse numerosas incidencias provocadas por adornos do Nadal “a piques de caer” nas rúas Tomás Paredes, José Antela Conde, Avenida de Castelao, Redondela, Camiño Espedrigada, Policarpo Sanz, Vázquez Varela, José Franco Montes, Avenida Gran Via, Venezuela, Tarragona, Jenaro de la Fuente, Príncipe, Doutor Carlos Colmeiro Laforet, Ramón e Cajal, Fotógrafo Luís Casado e Colombia.