InicioSucesosDetido en Vigo un home sobre o que constaba unha orde de...

Detido en Vigo un home sobre o que constaba unha orde de procura e detención

Unha chamada alertou de que o individuo tocaba as portas de acceso a varios pisos da rúa Corvo Mariño.

PUBLICADO O

A Policía Local de Vigo detivo a un home, G.R.G. de Vigo e 48 anos de idade, sobre o que constaba en vigor unha orde de procura, detención e presentación emitido polo Xulgado do Penal número 3 da cidade.

Segundo informaron fontes policiais, na tarde deste xoves, 15 de decembro, a Sala de Comunicacións do 092 recibiu ás 20,10 horas unha chamada na que se alertaba de que un individuo tocaba as portas de acceso a varios pisos da rúa Corvo Mariño e observaba posteriormente polas mirillas, presumiblemente para comprobar se había alguén no interior.

Unha vez no lugar, os axentes localizaron o home, aínda no interior da zona de vivendas, procedendo á súa identificación.

Tras realizar o cotexo e verificación telemática dos seus datos, os funcionarios pescudaron que sobre o home constaba unha orde de procura, detención e presentación emitido polo Xulgado do Penal número 3 de Vigo

Por iso, a Policía Local detivo ao home de 48 anos, en cumprimento do mandato xudicial, e pasando este a disposición do órgano competente.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...