Un traballador de 38 anos faleceu este luns na localidade pontevedresa de Tui despois de caer dunha carretilla elevadora. O suceso ocorreu no lugar de Ribe, sobre as 11,30 horas, nunha nave de materiais de construción e accesorios.

O home, con iniciais M.E.M, atopábase nunha carretilla elevadora cando se precipitou encima dun palé, segundo comunicou o 112 Galicia.

O Servizo de Urxencias Sanitarias de Galicia enviou ata o lugar unha ambulancia medicalizada de soporte vital básico cun equipo de Atención Primaria. Xa no punto, realizaron manobras de reanimación á vítima, pero non puideron facer nada por salvarlle a vida.

Ademais, tamén acudiron ao lugar do suceso axentes da Garda Civil e da Policía Local co fin de recoller todos os datos relacionados con este sinistro.