Axentes da comisaría da Policía Nacional de Vigo-Redondela detiveron a unha muller e un home como autores de máis de 70 estafas cometidas a través do método de altas na contratación na subministración de luz e gas e un delito falsidade documental, ao utilizar datos doutras persoas na tramitación dos contratos.

Segundo informaron fontes policiais, o ‘modus operandi’ empregado consistía en que un dos imputados obtiña os datos persoais das futuras vítimas para, a continuación, facer entrega dos mesmos ao seu cómplice, quen se encargaba de formalizar os contratos de auga e luz, aproveitándose do seu traballo nunha empresa encargada da captación de novos clientes para unha empresa comercializadora de enerxía, e así obter un beneficio económico.

As investigacións da Policía Nacional permitiron identificar e deter aos dous autores que lograron un beneficio económico de máis de 30.000 tras cometer máis de setenta estafas.