Un mozo de 23 anos, F.P.S., perdeu a vida ao sufrir o atropelo dun vehículo á altura do quilómetro 645 da N-120, ao seu paso por Ponteareas. O 112 Galicia recibiu o aviso duns particular minutos despois das 7,00 horas deste mércores. Este informaba dun atropelo na N-120, á altura da Igrexa dos Remedios.

A alerta trasladouse a Urxencias Sanitarias de Galicia-061, á Garda Civil de Tráfico e á Policía Local. O 061 ratificou que foi atendido un home de 23 anos, que resultou falecido no punto. O 061 mobilizou persoal sanitario do punto de atención continuada (PAC) de Ponteareas e dúas ambulancias.