As precipitacións caídas nas últimas horas provocaron o desbordamento do río Louro no municipio pontevedrés do Porriño, onde se tivo que cortar unha estrada e o paseo fluvial atópase alagado, segundo confirmaron a Europa Press fontes da Policía local.

As autoridades tiveron que cortar unha estrada na zona que une Atios con Torneiros e Pontellas, ao atoparse alagada tras a subida do caudal do río. Esta zona é frecuentada por peregrinos, que están a ser desviados por outras rutas alternativas.

Nesta liña, o paseo do Louro desapareceu baixa a auga. Ademais, as leiras e zonas situadas nas súas inmediacións están alagadas. Así mesmo, a Policía Local sinalou as precipitacións e o vento causaron a caída de numerosas árbores, así como o desprendemento de noiros de terra, que non causaron ningún accidente.