InicioSucesosRetencións á entrada do túnel da Madroa por un accidente con tres...

Retencións á entrada do túnel da Madroa por un accidente con tres coches implicados e tres feridos

Un dos vehículos envorcou.

PUBLICADO O

Un accidente de tráfico con tres vehículos implicados, un dos cales envorcou, saldouse con tres persoas feridas, e causou retencións na autoestrada AP-9, a altura da parroquia viguesa de Teis, en sentido de circulación cara a Tui.

Segundo informaron fontes do 112 Galicia, os servizos de emerxencias recibiron avisos de varios usuarios da autoestrada sobre as 16,30 horas, tras producirse un accidente con tres coches implicados, un dos cales envorcara, e alertaban de que podería haber dúas persoas feridas.

Ata o lugar desprazouse unha ambulancia medicalizada do 061, que atendeu no punto dous homes, D.S.,de 46 anos e E.M.R. de 43 anos, e a unha muller, A.C.C., de 64 anos de idade. Os feridos foron trasladados a centros médicos por ambulancias.

O sinistro tivo lugar no km 1.001 da autoestrada, en sentido Tui, na zona do túnel da Madroa, e o 112 Galicia mobilizou efectivos de Urxencias Sanitarias 061, Bombeiros de Vigo (aínda que finalmente non había persoas atrapadas nos coches), Garda Civil de Tráfico, Policía Local e o servizo de mantemento da autoestrada.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...