O incendio declarado minutos antes das 7,00 horas deste luns nunha nave industrial no municipio pontevedrés de Mondariz permanece controlado e a súa evolución mellorou. Así o informou o 112 Galicia, que concretou que iso levou, sobre as 10,30 horas, á Xunta a desactivar o Plan Territorial de Emerxencias de Galicia (Platerga) ao “mellorar as condicións do incendio declarado”.

Por parte do 112 Galicia sinalou que o lume se mantén controlado, aínda que non extinguido, polo que no lugar continúan os Bombeiros Baixo Miño, GES-SPEIS Ponteareas e GES de Mos.

Unha persoa foi evacuada por inhalación de fume na mañá deste luns debido a este incendio declarado nunha nave dedicada á almacenaxe de material eléctrico e garaxe de vehículos, situada en Lougares, no municipio de Mondariz.

Segundo a información facilitada polo 112 Galicia, un dez minutos antes das 7,00 horas deste luns o servizo de emerxencias recibiu o aviso dun traballador da nave, que indicou que no interior da mesma había vehículos tipo camión e material eléctrico.