Vigo atrae hoxe a atención de medios, políticos e cidadáns de toda España e media Europa polo accidente no Marisquiño no que resultaron feridas máis de 300 persoas. Entre as mensaxes de solidariedade coas vítimas, a do presidente do Goberno español, Pedro Sánchez.

O xefe do Executivo publicou na mañá deste luns, ás 10.48 horas, unha mensaxe solidaria dirixida aos feridos e de recoñecemento aos equipos de emerxencias.

Sánchez comentou ademais que estaba en contacto coas autoridades locais e autonómicas para interesarse pola situación.