InicioSucesosDetectan case 80 condutores positivos por alcol ou drogas durante a Arribada

Detectan case 80 condutores positivos por alcol ou drogas durante a Arribada

Durante o fin de semana fixéronse 1.951 probas de alcoholemia e tests indiciarios de drogas en Baiona e a súa contorna.

PUBLICADO O

- Advertisement -

O dispositivo especial de seguridade viaria establecido pola Garda Civil de Tráfico o pasado fin de semana, con motivo da celebración da festa da Arribada en Baiona, saldouse con case 2.000 probas realizadas e case 80 condutores que deron positivo en alcol e/ou drogas.

Segundo informou o Instituto Armado, durante o fin de semana fixéronse 1.951 probas de alcoholemia e tests indiciarios de drogas en Baiona e a súa contorna, e foron detectados 60 condutores que circulaban baixo os efectos do alcol.

Deses 60, 57 foron denunciados por vía administrativa, mentres que 3 condutores foron denunciados por vía penal, ao ser supostos autores dun delito contra a seguridade viaria (por superar a taxa de 0,60 mg/l). No caso das probas de drogas, realizáronse un total de 24, e detectáronse 16 positivos indiciarios (que terán que ser confirmados en laboratorio).

Ademais destas intervencións, a Garda Civil tamén interceptou un condutor que circulaba co carné suspendido por perda de vixencia, e a outro que carecía de permiso de conducir. Así mesmo, formuláronse denuncias por facer uso do móbil ao volante e por outras distraccións.

ÚLTIMAS

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...

A conexión mediante o Tren Celta a entre Vigo e O Porto volverá a funcionar a partir de decembro

O Eixo Atlántico informou de que o Tren Celta, que une as cidades de...