InicioSucesosDúas persoas trasladadas ao hospital despois dun incendio nunha vivenda en Ponteareas

Dúas persoas trasladadas ao hospital despois dun incendio nunha vivenda en Ponteareas

O 112 Galicia tivo constancia do lume pasados uns minutos das 16,00 horas grazas á chamada de varios particulares que indicaban que vían saír lume pola xanela da vivenda.

PUBLICADO O

- Advertisement -

Dúas persoas foron trasladas ao hospital e outra necesitou asistencia sanitaria tras producirse un incendio nunha vivenda do municipio pontevedrés de Ponteareas, que obrigou a evacuar a todos os veciños do inmoble.

Segundo informou o CIAE 112, o suceso tivo lugar na segunda planta dun edificio de catro pisos situado na Avenida Rosalía de Castro.

As chamas calcinaron por completo un dormitorio e o fume afectou á totalidade da vivenda, na que caeu parte da placa do teito, o que impedirá que tanto os ocupantes desta vivenda como os do piso superior pasen a noite nas súas casas.

O 112 Galicia tivo constancia do lume pasados uns minutos das 16,00 horas grazas á chamada de varios particulares que indicaban que vían saír lume pola xanela da vivenda. Ademais, algúns dos alertantes asegurou que se escoitaban berros dunha muller que pedía axuda nun balcón.

A partir de aí, desde o 112 Galicia informouse os membros do GES-SPEIS de Ponteareas, á Policía Local e aos efectivos de Protección Civil da localidade. Tamén os Bombeiros de Porriño foron informados, polo seu fose necesario prestar apoio. Tamén se pasou o aviso ao Servizo de Urxencias Sanitarias de Galicia-061. Tras apagar o lume e ventilar a zona, os Bombeiros deron por finalizada a súa intervención.

ÚLTIMAS

A CUT denuncia “escurantismo” na negociación dos bombeiros de Vigo

A CUT criticou este martes a proposta de solución exposta pola mesa de negociación...

A veda do choco nas rías de Vigo, Pontevedra e Arousa estenderase ata finais de outubro

A Xunta estableceu a veda para a captura do choco nas rías de Vigo,...

Detido un veciño de Gondomar como presunto autor de seis roubos con forza en gasolineiras

A Garda Civil detivo a un veciño da localidade pontevedresa de Gondomar como presunto...

O BNG e o PP critican que “case ningún día” se cumpra co número mínimo de bombeiros fixado polo goberno local

O BNG e o PP de Vigo presentaron no pleno ordinario do Concello deste luns dúas mocións nas...