A acción para atallar o incendio do polígono da Granxa está a ser inmediata. Mobilizáronse a Garda Civil, os efectivos contra incendios do Consorcio Provincial da Deputación de Pontevedra, os parques do Porriño e do Morrazo, efectivos de Ponteareas e dos Parques do Concello de Vigo e Vilagarcía… Entre todos intentan apagar o lume. Hai que sumar o xesto dos bombeiros voluntarios de Valença, que se ofreceron a colaborar e unir forzas.
Por outra banda, o 112, que incorporou un helicóptero ás tareas de extinción, prega aos condutores que deixen libres as vías de acceso ao lugar de intervención (planta de aterrizaxe de Alumisel, Polígono da Granxa, O Porriño) para os servizos de emerxencia.
O 112 tamén informou da activación do convenio Ariem polo incendio. Ten como obxectivo, textualmente, “o establecemento dun mecanismo de colaboración entre os servizos de xestión e mobilización de recursos ante urxencias nas zonas implicadas, mediante a implantación de ferramentas comúns (informáticas e de comunicacións), a formación e implantación de métodos e protocolos de intervención comúns a todos os servizos”.
