Unha persoa foi evacuada a un centro hospitalario este martes tras resultar ferida nun atropelo rexistrado no termo municipal de Cangas do Morrazo.

Segundo informou o 112 Galicia dúas persoas resultaron feridas ao sufrir un atropelo na rúa Nora, en Cangas do Morrazo, aínda que o 061 trasladou a unha.

Uns minutos antes das 12,30 horas deste martes varias testemuñas do accidente chamaron ao 112 Galicia para alertar do sinistro e solicitar asistencia para as persoas atropeladas.

Por iso, por parte do CIAE-112 informouse os servizos sanitarios, á Policía Local, aos Bombeiros do Morrazo e a Protección Civil da localidade.

Ao lugar do atropelo o 061 enviou unha ambulancia de soporte vital básico e un equipo sanitario de Atención Primaria de Cangas que levaron a unha persoa ferida ao Hospital Fátima de Vigo.