InicioSucesosPrisión provisional sen fianza para o veciño de Moaña acusado de asasinar...

Prisión provisional sen fianza para o veciño de Moaña acusado de asasinar a súa veciña

O home conta cun amplo historial de antecedentes.

PUBLICADO O

- Advertisement -

O Xulgado Número 1 de Cangas decretou prisión provisional comunicada e sen fianza para o veciño da muller localizada sen vida no interior da súa vivenda en Moaña esta fin de semana que foi detido por un delito de homicidio.

Segundo detallaron fontes do Tribunal Superior de Xustiza de Galicia (TSXG), este home, que foi detido este domingo, pasou a disposición xudicial ás 9,30 horas deste mércores. Posteriormente, decretouse prisión provisional comunicada e sen fianza para o mesmo por un delito de homicidio.

En concreto, os feitos tiveron lugar este sábado, cando un familiar desta muller que acudira á súa vivenda, que non representaba a súa primeira residencia, contactou co 112.

Posteriormente, a central de atención ás emerxencias deu aviso ás forzas da orde, que se personaron no domicilio, situado na parroquia de Tirán. Así, atoparon o corpo sen vida da muller, de 72 anos de idade, no interior do inmoble. Unha da hipótese exposta inicialmente apuntaba a unha posible morte violenta nun intento de asalto á vivenda.

Así mesmo, este domingo detívose un home que reside “moi preto” da vivenda na que se atopou o corpo pola suposta comisión dun delito de homicidio. Ademais, efectuouse un rexistro do domicilio deste home, que conta cun amplo historial de antecedentes.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...