Unha persoa tivo que ser evacuada ao resultar ferida na colisión entre dous coches rexistrada este venres no termo municipal de Tui.
O sinistro, segundo informa o CIAE 112 Galicia, tivo lugar en Randufe, na ligazón da estrada N-551 coa A-55 ás 17,00 horas deste venres.
Un das persoas que viaxaban nos coches implicados resultou ferida e tivo que ser evacuada polos efectivos de Urxencias Sanitarias 061 ao Hospital Álvaro Cunqueiro.
Ademais, tamén foi necesaria a intervención dos servizos de asistencia posto que os vehículos bloqueaban a circulación no lugar do accidente.