Un incendio declarado nun barco na mañá deste luns no municipio de Bueu causou importantes danos na embarcación, pero non houbo feridos. Así o informou o 112 Galicia, que relatou que os feitos sucederon nunha zona de bateas, enfronte da Praia de Lapamán, sobre as 10,45 horas.
Varias persoas particulares contactaron co 112 Galicia para alertar do incendio, tras o que os xestores do CIAE puxeron a situación en coñecemento de Salvamento Marítimo, que coordinou o operativo de extinción e no que tamén interviñeron o Servizo de Gardacostas de Galicia e a Garda Civil.
Ademais, está previsto que os Bombeiros do Morrazo leven a cabo tarefas de arrefriado na embarcación tras ser esta remolcada ao Porto de Marín.
Os compañeiros do “Irmáns García Nodal” e da “Paio Gómez Chariño” colaboraron na extinción do incendio dun barco fronte á praia de Lapamán, en Bueu. Sobrevoou a zona o Pesca 1, que non tivo que intervir pois os tripulantes do barco estaban ben e a salvo. pic.twitter.com/ZBaIS3xDBy
— Gardacostas Galicia (@GardacostasGal) May 3, 2021
