InicioSucesosVen "indicios de criminalidade" sobre o cura dos Salesianos de Vigo investigado...

Ven “indicios de criminalidade” sobre o cura dos Salesianos de Vigo investigado por abusos a menores

A xuíza considera que hai indicios de que este sacerdote, co fin de "satisfacer o seu apetito sexual e de vulnerar a liberdade e indemnidade sexuais de persoas menores de 16 anos" levou a cabo tocamentos nos xenitais dos nenos.

PUBLICADO O

- Advertisement -

O xulgado de instrución número 4 de Cambados  concluíu a investigación sobre os supostos abusos sexuais a menores cometidos por un sacerdote, Segundo C.V., profesor do Colexio Salesianos de Vigo e contra o que, segundo sinala a maxistrada instrutora nun auto, aprécianse “indicios de criminalidade bastantes”.

Segundo se recolle nese auto e confirmaron fontes do Tribunal Superior de Xustiza de Galicia (TSXG), a investigación determinou que eses supostos abusos producíronse entre o 15 e o 23 de xullo de 2019 en Cambados, durante un campamento de verán que dirixía este sacerdote, e que estaba organizado polo colexio, a través da asociación xuvenil Abertal.

A xuíza considera que hai indicios de que este sacerdote, co fin de “satisfacer o seu apetito sexual e de vulnerar a liberdade e indemnidade sexuais de persoas menores de 16 anos que tiña ao seu cargo” levou a cabo tocamentos nos xenitais dos nenos.

Así mesmo, ademais de determinar que se valera da súa “superioridade xerárquica, derivada de ser sacerdote do colexio dos menores, profesor no mesmo e director do campamento xuvenil“, sinala que hai indicios tamén de episodios anteriores de abuso.

A xuíza cre que abusou de dous menores durante unha peregrinación a Santiago de Compostela en abril de 2019, e un deses menores sufriu tamén tocamentos no campamento de verán. Por outra banda, tamén sinala no seu auto que, en xuño dese ano, abusou supostamente dun menor que acudiu á asociación xuvenil Abertal a ver o partido da final da Champions League.

APERTURA DE XUÍZO ORAL

No seu auto, a maxistrada ordena que se sigan os trámites de preparación para o xuízo por se os feitos fosen constitutivos de seis delitos de abusos sexuais sobre menores de dezaseis anos, tres deles continuados.

Así mesmo, ordena dar traslado ao Ministerio Fiscal e, no seu caso, á acusación particular, para que no prazo de dez días formulen os seus escritos de acusación solicitando a apertura do xuízo oral ou o sobresemento da causa, sen prexuízo de que excepcionalmente poidan pedir a práctica de dilixencias complementarias que consideren imprescindibles para realizar os seus escritos.

PASO POR PRISIÓN E LIBERDADE BAIXO FIANZA

Segundo C.V. foi detido en xullo de 2019, despois das denuncias de varios menores, e o Colexio Salesianos de Vigo apartouno das súas funcións. Tras as primeiras dilixencias, o sacerdote ingresou en prisión e, aínda que a súa defensa solicitou en varias ocasións a súa posta en liberdade, os tribunais denegárona, ata a primavera do ano pasado.

En marzo de 2020 o xulgado de instrución denegou a excarceración, pero a defensa do sacerdote interpuxo recurso de apelación e este foi estimado parcialmente pola Audiencia Provincial, de modo que decretou a liberdade provisional, baixo fianza de 12.000 euros, xunto con outras medidas, como a retirada do pasaporte, comparecencias semanais no xulgado e a prohibición de achegarse ás vítimas.

ÚLTIMAS

O dono do Saltamontes no que se produciu o accidente mortal en Matamá acóllese ao seu dereito a non declarar

O propietario do Saltamontes no que se produciu o accidente mortal o verán pasado...

Detidos en Vigo relacionados cunha rede de distribución de imaxes íntimas de mulleres

A Policía Nacional desarticulou unha rede criminal, coa detención de 11 persoas en varias...

Sindicatos denuncian un ambiente de traballo “insoportable” en VigoNature e unha progresiva “privatización”

O comité de persoal laboral do Concello de Vigo denunciou un ambiente de traballo "insoportable" no...

Condenado un mozo de 15 anos en Vigo por agredir sexualmente a outra menor de 13

A sección quinta da Audiencia Provincial de Pontevedra, con sede en Vigo, desestimou o...