InicioSucesosO Parlamento Galego pide ao Goberno español beneficios fiscais para os afectados...

O Parlamento Galego pide ao Goberno español beneficios fiscais para os afectados de Tui

PUBLICADO O

Os grupos parlamentarios aprobaron este venres por unanimidade unha iniciativa pola que acordan que o Parlamento de Galicia instará á Xunta de Galicia a demandar ao Goberno de España que estableza beneficios fiscais para as persoas afectadas pola explosión de material pirotécnico ocorrida o pasado 23 de maio no Concello de Tui.

Este acordo tamén inclúe, entre outros puntos, demandar a declaración de zona gravemente afectada por unha emerxencia de protección civil –zona catastrófica–, acelerar as correspondentes convocatorias de axudas aínda pendentes, o establecemento dunha liña de financiamento para compensar ao Concello de Tui “polo menos parte” dos seus gastos, e favorecer a tramitación dunha figura que permita unha ordenación urbanística adecuada.

Aínda que esta iniciativa parte dunha proposta presentada polo grupo parlamentario do Partido Popular por vía de urxencia, á que despois engadiron emendas BNG e PSOE, finalmente todos os grupos parlamentarios chegaron a un texto de consenso sobre estas cuestións durante a Comisión de Economía, Facenda e Orzamentos do Parlamento de Galicia.

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...