Unha manta eléctrica provocou un incendio nunha vivenda en Vigo, polo que unha familia de tres membros, un deles menor, tivo que ser evacuada a un hospital con síntomas de intoxicación por inhalación de fume.
Todo comezou sobre as 2,30 horas da madrugada no número 9 da rúa Manuel de Castro. O 112 Galicia tivo constancia do lume a través da chamada de alerta dun dos residentes, que explicou que as lapas comezaron nunha manta eléctrica e que a concentración de fume nas estancias era bastante molesta.
Así, os xestores do 112 puxeron os feitos en coñecemento do 061-Urxencias Sanitarias, dos bombeiros de Vigo e dos axentes da Policía Local. Finalmente, o tres membros da familia foron trasladadas ao Hospital Álvaro Cunqueiro por parte dos servizos sanitarios desprazados ao lugar.
