O falecemento dunha muller de 78 anos con covid-19 que se atopaba ingresada no Hospital Álvaro Cunqueiro de Vigo elevou a 672 os mortos en Galicia desde que comezou a pandemia. A Consellería de Sanidade informou do deceso no parte deste xoves, no que concretou que a muller presentaba patoloxías previas.

No día de onte notificáronse sete falecementos de persoas con covid-19, o que a fixo a xornada con maior número de mortes comunicadas desde o mes de maio na Comunidade.

Desde o comezo da ‘nova normalidade’ o número de pacientes falecidos coa enfermidade en Galicia é de 53 persoas, tras o falecemento dunha muller o 7 de agosto. Antes diso, a Comunidade encadeara case dous meses –desde o 10 de xuño– sen decesos relacionados co coronavirus.