InicioSucesosO TSXG confirma a condena a máis de 30 anos de cárcere...

O TSXG confirma a condena a máis de 30 anos de cárcere ao asasino de Ana Enjamio

O tribunal remarcou "a conduta de fustrigación reflectida en múltiples actos declarados probados polo xurado", que relacionou con "ese sentimento de superioridade do home sobre a muller".

PUBLICADO O

O Tribunal Superior de Xustiza de Galicia (TSXG) confirmou a condena a condena a 30 anos e 4 meses de prisión a César Adrio Otero, como autor do asasinato da súa ex parella, Ana Enjamio, ocorrido en Vigo na madrugada do 16 ao 17 de decembro de 2016.

O acusado fora condenado como autor dun delito de asasinato con aleivosía e ensañamento pola sección quinta da Audiencia Provincial de Pontevedra, con sede en Vigo, que tamén contemplou as agravantes de xénero e de parentesco, á pena de 25 anos de prisión.

Ademais, considerouno responsable dun delito de acoso, concorrendo a agravante de parentesco, á pena de 20 meses de cárcere; e dun delito de vulneración da intimidade, coa agravante de parentesco, a tres anos e oito meses de prisión.

Adicionalmente, a Sala do Civil e Penal do alto tribunal galego concluíu que a agravante de discriminación por razón de xénero debe aplicarse tamén aos delitos de acoso e contra a intimidade, aínda que non modificou a pena fixada polo presidente do Tribunal do Xurado na súa metade superior.

Na sentenza de apelación, sinalou que a conduta do acusado desde a finalización da súa relación coa vítima ata o falecemento da mesma mostra a súa “intención de deixarlle clara a súa superioridade sobre ela”. Así, o tribunal remarcou “a conduta de fustrigación reflectida en múltiples actos declarados probados polo xurado”, que relacionou con “ese sentimento de superioridade do home sobre a muller”.

En concreto, a defensa do home solicitara na vista de apelación na Sala do Civil e Penal do TSXG a súa absolución por unha “defectuosa valoración procesual” e pola “vulneración de dereitos fundamentais”.

ÚLTIMAS

Os equipos de emerxencias auxilian aos dous ocupantes dun turismo tras saírse da vía na AP-9, a altura da parroquia viguesa de Cabral

Os dous ocupantes dun turismo foron auxiliados polos equipos de emerxencia tras saírse da...

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...