Unha persoa tivo que ser trasladada a un centro hospitalario a pasada madrugada tras inhalar fume ao rexistrarse un incendio no cuarto no que se hospedaba nun hotel en Ponteareas, informou este domingo o 112.

O suceso produciuse ao redor das 1,30 horas fronte á rúa Orotava, onde se trasladaron os bombeiros de Ponteareas e a Policía Local, cuxos axentes se encargaron de extinguir as chamas.

O inmoble foi desaloxado por precaución mentres durou a intervención, aínda que posteriormente os hóspedes volveron ás habitacións, con excepción dos aloxados na cuarta planta, que quedou en desuso ao verse afectada o fume. O lume queimou unha mesa, unha cadeira e unha manta, de acordo cos profesionais desprazados ao lugar.