Unha persoa faleceu e outras dúas resultaron feridas ao caer co coche a un arroio nun grave accidente ocorrido este sábado na Cañiza.

Segundo informa o 112 Galicia, produciuse ao redor das 18,50 horas no lugar de Regueira do Aceval, onde o vehículo caeu desde unha pequena ponte cara a un pequeno río.

Os tres ocupantes do coche accidentado, dos que un deles morreu, quedaron atrapados, polo que se solicitou a axuda dos bombeiros de Ponteareas e do Baixo Miño para a súa excarceración.

Neste sinistro tamén interveu Urxencias Sanitarias-061, que trasladou ao momento dúas ambulancias e un helicóptero medicalizado, segundo confirman fontes deste servizo.