Un operativo de rescate posto en marcha polo 112 Galicia auxiliou a dúas persoas, que foron rescatadas ilesas, que se atopaban nunha zona de difícil acceso moi preto do Faro de Oia.
Segundo relatou o 112 Galicia, todo comezou sobre as 22,45 horas deste xoves cando un dos propios afectados alertou ao servizo de emerxencias e indicou que, tras acceder a contorna do faro, tiñan dificultades para volver ao camiño.
Por iso, por parte dos xestores do 112 puxeron en alerta aos Bombeiros de Baixo Miño, aos membros do GES da Guarda e aos axentes da Garda Civil. Do mesmo xeito, informaron os feitos aos Bombeiros de Vigo e ao persoal do GES de Val Miñor.
Tras finalizar os labores de rescate, os servizos de emerxencia confirmaron ao 112 Galicia que as dúas persoas auxiliadas atopábanse “en bo estado”, sinalaron as mesmas fontes, polo que se descartou a intervención dos servizos sanitarios de urxencia.
