Un home de 53 anos de idade faleceu na tarde deste luns nun accidente laboral rexistrado ao caerlle encima a comporta pesada dun barco no Porto de Vigo.

Segundo os datos facilitados pola Policía Nacional e fontes sanitarias, este accidente laboral sucedeu sobre as 13,45 horas deste luns nun barco en peirao de Armadores Pereira, na zona de Orillamar.

Ao traballador, sinalaron fontes da Policía Nacional, “caeulle unha porta dentro dun barco cun peso considerable”, tras o que faleceu no lugar.

En concreto, o 061 enviou unha ambulancia de soporte vital avanzado para atender ao paciente, J.P., de 53 anos de idade, que faleceu no lugar dos feitos, confirmaron a Europa Press fontes sanitarias e policiais.

A Policía indicou que a investigación sobre este accidente laboral con resultado de morte corresponde á Inspección de Traballo, pero aclarou que ao lugar acudiron efectivos de Policía Científica e comunicarase ao xulgado o sucedido.