InicioSucesosDúas persoas resultan feridas nun accidente no Corredor do Morrazo

Dúas persoas resultan feridas nun accidente no Corredor do Morrazo

Outro vehículo saíuse da vía na A-55 en Tui e acabou envorcando.

PUBLICADO O

Dúas persoas resultaron feridas este xoves tras un accidente entre dous coches ocorrido no túnel da Magdalena, no Corredor do Morrazo, no termo municipal de Cangas.

Segundo informou o 112 Galicia, o sinistro produciuse en sobre as 13,30 horas, cando varios particulares contactaron con Emerxencias para avisar do accidente, que se produciu no quilómetro 14 da CG-4.1, preto da saída do túnel da Magdalena, en sentido Bueu.

O 112 Galicia mobilizou a Urxencias Sanitarias-061, aos Bombeiros de Vigo e O Morrazo, Protección Civil de Cangas, Garda Civil de Tráfico e Policías Locais de Cangas e Bueu.

Unha vez no lugar do accidente, os servizos de emerxencias tiveron que liberar a unha das persoas implicadas. As dúas persoas feridas foron atendidas alí polos sanitarios e evacuadas posteriormente a un centro hospitalario.

SAÍDA DE VÍA E ENVORCO EN TUI

Por outra banda, o 112 informou tamén dunha saída de vía dun vehículo ocorrida sobre as 14,30 horas na A-55, en Tui. No interior do coche viaxaban dúas persoas de avanzada idade que foron atendidas no lugar do sinistro polos equipos médicos.

A saída de vía ocorreu no quilómetro 26 da autovía, á altura da parroquia de Guillarei, e o vehículo acabou envorcando. Ata o lugar desprazáronse efectivos do 061, Bombeiros do Baixo Miño, Garda Civil, Protección Civil e Policía Local de Tui, así como do servizo de mantemento da vía.

ÚLTIMAS

Condenados a 5 e 4 anos de cárcere os dous acusados de dar unha malleira a dous mozos na rúa Hernán Cortés de Vigo

A sección quinta da Audiencia Provincial de Pontevedra, con sede en Vigo, condenou aos...

Máis de mil vigueses xa teñen representación no caso do Cártel dos Coches con 40.000 afectados en Galicia

A oficina de Vigo do despacho BGI LAW representa xa a máis de 1.000...

Novo desencontro entre traballadores de Vitrasa e a empresa que non cede a reitirar os expedientes contra traballadores

A reunión celebrada este luns entre o comité de empresa e a dirección de...

A Xunta apura ao novo ministro de Cultura para axilizar o proxecto da Biblioteca do Estado en Vigo

O conselleiro de Cultura, Educación, FP e Universidades, Román Rodríguez, trasladou ao novo ministro...