InicioSucesosDetidos en Vigo por agredir e toser na cara aos policías que...

Detidos en Vigo por agredir e toser na cara aos policías que os sorprenderon vulnerando o estado de alarma

Trátase dun home de 26 anos de idade e unha muller de 28.

PUBLICADO O

Axentes da Policía Local de Vigo detiveron a unha parella, un home de 26 anos de idade, J.M.A., e unha muller de 28 anos, A.M.N., como presuntos autores dun delito de atentado contra axentes da autoridade, tras agredir, insultar e toser na cara aos policías que os identificaron ao sorprendelos vulnerando o estado de alarma.

Segundo informaron fontes policiais, os feitos tiveron lugar na madrugada do luns, cando unha dotación sorprendeu a esta parella camiñando por cálea Doutor Corbal en dirección ao parque da Guía.

Ao ser preguntados polos axentes, o home respondeu que estaban a buscar unha farmacia, aínda que acabou por recoñecer que se dirixían a casa dun coñecido a cobrar un diñeiro pactado entre ambos.

Cando os axentes lles informaron de que serían propostos para sanción, xa que o motivo do desprazamento non está xustificado no Real Decreto do estado de alarma, o home, que camiñaba cunha muleta, golpeou a un dos policías nun brazo e tentou propinarlle unha patada.

Dado que non depuxo a súa actitude, e comezou a insultar e ameazar gravemente os policías, o home foi reducido e detido. Nese momento, a súa parella tamén se encarou cos axentes, e propinou dúas patadas nas pernas a unha das funcionarias actuantes, polo que tamén foi detida.

Cando xa estaban detidos e á espera de ser asistidos por un médico, a muller arrestada volveuse cara á axente de Policía e, tras insultala, lle toseu na cara deliberadamente, mentres que a súa parella tamén se revolveu e tirouse ao chan. Ambos os sospeitosos foron derivados ao Hospital Álvaro Cunqueiro e, posteriormente, trasladados a dependencias policiais, antes de ser postos a disposición xudicial.

ÚLTIMAS

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...

Capitanía Marítima inspeccionou 723 buques en 2023 e emitiu case 2.000 certificados de navegabilidade

Capitanía Marítima de Vigo inspeccionou o pasado ano un total de 723 buques e...

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...