A Policía Nacional detivo aos responsables de dous puntos negros de venda de drogas de Vigo, dous homes de 42 e 33 anos sen relación entre si, en senllas operacións nas que se interviñeron unha gran cantidade de cocaína, case un quilo de haxix e diñeiro en efectivo.

Fontes policiais detallaron que as investigacións se iniciaron en marzo tras ter coñecemento da posible existencia de dous puntos de venda de drogas situados nas inmediacións da avenida A Florida e a rúa Menéndez Pelayo.

Tras comprobar que a trafega de toxicómanos era constante nesas zonas e que estes esperaban en certos puntos por persoas coas que realizaban rápidos intercambios, establecéronse dispositivos con axentes nas inmediacións.

Así, os policías abordaron a un destes homes mentres realizaba unha venda e a outro na zona onde se atopaba a súa vivenda, o que permitiu intervir cocaína e diñeiro en efectivo ao primeiro e haxix ao segundo. Posteriormente, todo o actuado pasou a disposición xudicial.