Un home resultou ferido de gravidade tras electrocutarse mentres tallaba unha árbore que estaba apoiado nuns cables eléctricos, no municipio de Crecente.

O suceso rexistrouse no lugar de Tixosa, na parroquia de Rebordechán, sobre as 15,30 horas. Debido á gravidade do accidente, Urxencias Sanitarias mobilizou un helicóptero medicalizado ata unha zona próxima ao lugar dos feitos.

Desde o CIAE 112 Galicia solicitouse a intervención da Garda Civil, do GES e Bombeiros de Ponteareas e da empresa subministradora de electricidade.