Un home de 72 anos, R.G.A, e unha muller de 69, M.B.M.V., resultaron feridos este mércores despois de precipitase, no seu coche, desde o alto da muralla do Parador de Baiona (Pontevedra), segundo informaron fontes do 112 Galicia.

O accidente tivo lugar sobre as 15,50 horas, cando un particular alertaba a emerxencias de que un vehículo con dúas persoas no seu interior precipitouse desde o alto da muralla do Monte do Boi, dende o aparcadoiro da recepción do Parador, ata o paseo de Monterreal.

Testemuñas sinalan que os ocupantes do turismo puideron saír do mesmo, aínda que precisaron de asistencia médica.

O 112 mobilizou a emerxencias sanitarias, a Protección Civil, ao GES do Val Miñor e á Policía Local de Baiona. Ademais, unha ambulancia desprazouse ata a zona para atender ao condutor e ao seu acompañante, aos que trasladou ata o Hospital Álvaro Cunqueiro de Vigo.

Os dous ocupantes foron trasladados en ambulancia con feridas de consideración. De momento descoñécense as causas do suceso.