Unha persoa foi trasladada ao hospital como consecuencia dun accidente de circulación entre dous turismos que tivo lugar este xoves na A-55 á altura do Porriño.
Segundo detallou o Centro Integrado de Atención ás Emerxencias (CIAE) 112 Galicia, os feitos tiveron lugar ao redor das 8,43 horas na saída que conecta a autovía co Polígono Industrial das Gándaras, en concreto, en dirección Tui.
Tras ter coñecemento do ocorrido, a central de emerxencias trasladou esta información ao servizo de Urxencias do 061, os bombeiros, a Garda Civil de Tráfico, a Policía Local e a Protección Civil.
Posteriormente, unha ambulancia de soporte vital básico foi enviada á zona, desde onde trasladou a unha persoa involucrada no suceso que resultou ferida o hospital vigués Povisa.