Un home resultou ferido este sábado en Mondariz tras caerlle unha árbore sobre as súas pernas cando se atopaba no monte, na zona de Toutón.

Segundo información do 112 Galicia, foi a nai do propio afectado quen chamou á central de emerxencias sobre as 14,15 horas para indicar que lle caeu unha árbore enriba e que estaba ferido, pero non atrapado.

Con estes datos, o 112 avisou a Urxencias Sanitarias-061, aos bombeiros de Ponteareas, aos do Baixo Miño, á Garda Civil, á Policía Local e a Protección Civil da Mancomunidade Oitavén-Tea.

Unha vez no punto, a persoa foi liberada sen que fose necesaria a intervención dos bombeiros, tal e como o indicaban os efectivos de Protección Civil.

Tras iso, o persoal sanitario do 061 encargouse do traslado do ferido ata o centro hospitalario de referencia.