InicioSucesosInvestigado un veciño de Moaña acusado de amputarlle unha pata ao seu...

Investigado un veciño de Moaña acusado de amputarlle unha pata ao seu can

PUBLICADO O

A Garda Civil procedeu a investigar penalmente a un veciño de Moaña por un suposto delito de malos tratos animais, acusado de amputar unha das extremidades anteriores dun can da súa propiedade.

Segundo relatou o Instituto Armado, a alerta de varios veciños que viron un can que camiñaba con dificultade pola zona da praia da Xunqueira no municipio de Moaña activou o protocolo de actuación da Patrulla do Servizo de Protección da Natureza de Cangas que se fixo cargo da situación.

Segundo o informe do Seprona, indican as mesmas fontes, “o animal fora retido por varias persoas cando o viron deambulando polas inmediacións da praia para evitar un posible atropelo”, dado que, engade a Benemérita, “camiñaba con dificultade debido a que tiña amputada unha das extremidades anteriores”.

Ao levantar a vendaxe que levaba o can na pata amputada comprobouse que tiña un corte recente, “xerando serias dúbidas de que fose feito por un profesional, debido á inflamación que presentaba o membro e á rudimentaria vendaxe que protexía a ferida”, destacou o Instituto Armado.

A través do microchip e das informacións facilitadas polos veciños púidose localizar o propietario do can que, despois de recoñecer que “lle amputou persoalmente” unha das extremidades anteriores debido a unha ferida que tiña na perna, foi notificado como investigado como presunto autor dun delito de malos tratos animais.

Pola súa banda, o can foi recollido por un membro da Protectora de Animais do Morrazo que puxo o animal en mans dunha clínica veterinaria para o seu tratamento.

As dilixencias instruídas en relación con estes feitos foron entregadas no xulgado de Instrución de garda de Cangas.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...