A Policía Local de Vigo localizou o corpo sen vida dun veciño da cidade, J.V.I., de 73 anos de idade, que levaba varios días falecido no seu domicilio, segundo informaron fontes policiais.

O achado tivo lugar o pasado mércores, cando un veciño da zona de Torrecedeira alertou ao 092 porque facía días que non vía a un home, residente nunha das vivendas, e de avanzada idade. Ademais, o requirente explicou á Policía que da vivenda emanaba un forte cheiro a podrecido.

A Policía Local púxose en contacto coa dona do inmoble, que facilitou o acceso ao mesmo. Unha vez no interior, os axentes comprobaron que o seu morador falecera e que se atopaba tombado de lado nun dormitorio.