Un operario resultou ferido de consideración despois de sufrir un golpe mentres traballaba nunha nave industrial situada no Camiño Cebral no municipio de Mos (Pontevedra).

Segundo informou o 112 Galicia, pasados uns minutos despois das 23,15 horas deste mércores un compañeiro do home ferido solicitou ao servizo de emerxencias asistencia médica para un traballador que caera tras sufrir un golpe na cabeza.

Acto seguido, o Centro Integrado de Atención ás Emerxencias (CIAE) pasou o aviso ao Urxencias Sanitarias de Galicia-061, á Garda Civil e a Protección Civil da localidade. Ao lugar o 061 enviou unha ambulancia que evacuou ao ferido, L.S.B., de 21 anos de idade, ao Hospital Álvaro Cunqueiro (HAC) de Vigo.