O choque de dous buques na ría de Vigo, preto da Illa de Toralla, acabou cun pequeno barco pesqueiro afundido. Trátase do ‘Romo 2, de 8,6 metros de eslora, que afundiu rápidamente. O buque máis grande é o Intermares, de 79,2 metros de eslora, que xa está no porto vigués.

Tal e como se poden ver nestas fotos os danos neste barco foron mínimos. O accidente provocou dous feridos que tras pasar 15 minutos na auga foron rescatados, levados a terra e trasladados por hipotermia ao hospital de Vigo.

Os feitos sucederon sobre as 8,25 horas deste luns ao norte da Illa de Toralla, na ría viguesa. O buque ‘Intermares’,, informou ao Centro de Salvamento de Vigo, que coordinou o operativo, da presenza de dous náufragos na auga tras chocar co pesqueiro ‘Romo 2’