InicioSucesosInvestigan un veciño de Mos por tráfico de drogas ao ser sorprendido...

Investigan un veciño de Mos por tráfico de drogas ao ser sorprendido con cocaína nun bar

O acusado é un home de 42 anos que xa cometera anteriormente delitos e infraccións relacionadas co tráfico de drogas.

PUBLICADO O

- Advertisement -

A Garda Civil investiga un veciño de Mos como presunto autor dun delito contra a saúde pública por tráfico de estupefacientes ao ser sorprendido no interior dun bar con nove envoltorios de cocaína e 125 euros en efectivo.

Os feitos transcorreron o pasado mércores nun dos controis que realiza a Unidade de Seguridade Cidadá de Comandancia (Usecic) para reforzar aqueles que realiza a Garda Civil. Con este operativo buscaban reducir a oferta de drogas aos mozos e tanto o consumo como a tenencia en locais e lugares públicos.

Nun dos establecementos de Mos nos que se realizou este control, os efectivos da Usecic decatáronse da “actitude nerviosa” que mostraba un cliente, segundo informa a Garda Civil. Unha vez no exterior procederon a revisar as súas pertenzas e foi detido.

O acusado é un home de 42 anos que xa cometera anteriormente delitos e infraccións relacionadas co tráfico de drogas. O veciño de Mos deberá comparecer cando sexa citado no xulgado de instrución de garda do Porriño.

ÚLTIMAS

Inspección de Traballo investiga un accidente laboral en Stellantis Vigo no que unha operaria perdeu un pé

A Inspección de Traballo abriu unha investigación para coñecer as circunstancias dun accidente laboral ocorrido...

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

A Xunta di que investiu 375 millóns en Vigo e hai outros 70 “bloqueados” polo goberno local

A delegada da Xunta en Vigo, Ana Ortiz, defendeu este venres que o goberno...

Stellantis reacciona aos aranceis: parará a produción en Canadá e México e recortará 900 empregos en EEUU

O grupo automobilístico Stellantis paralizará a súa produción durante dúas semanas nunha das súas...