Sobre as 5,30 horas deste domingo, unha muller alertou de que, por un erro do GPS, atopábase no medio do monte, nunha pista de terra moi próxima á vía do tren e inaccesible para os vehículos.
A muller xa contactara co persoal do servizo de emerxencias do seu concesionario e indicábanlle que o guindastre non podía acceder ao lugar onde se atopaban. Ningunha das ocupantes necesitaba asistencia sanitaria.
Despois pasar o aviso á Garda Civil e grazas ao envío da localización a través dunha aplicación móbil, os axentes puideron localizar ás mulleres pero o coche non o podían mover posto que, quedara sen embrague moi próximo á vía do tren.
Tras varias horas nas que os trens circularon pola zona a velocidade recudida, o persoal de Adif comunicou na mañá deste domingo ao 112 que a circulación férrea xa se restableceu con normalidade, após comprobar que non existe risco para os trens.
Ademais da Garda Civil, desde o CIAE tamén se solicitou a colaboración dos Bombeiros de Ponteareas que, nestes momentos, tratan de resolver a retirada do turismo da maneira máis sinxela posible.
