Unha muller de 34 anos de idade faleceu nun accidente de tráfico rexistrado na madrugada deste venres ao saírse de vía o vehículo que conducía no termo municipal As Neves (Pontevedra).
O sinistro tivo lugar sobre as 2,45 horas deste venres no quilómetro 287,100 da autovía A-52 no municipio das Neves ao saírse da vía un turismo, un Peugeot 205 Generation, pola marxe dereita, informou a Guardia Civil de Tráfico.
Neste accidente resultou falecida a condutora e única ocupante do turismo, R.F.E., de 34 anos de idade e veciña da parroquia de Chapela, do municipio pontevedrés de Redondela. Ao lugar o 061 enviou unha ambulancia asistencial e persoal sanitario do Punto de Atención Continuada de Ponteareas para atender á doente, que faleceu no punto.
