InicioSociedadeSeis meses de prisión para unha parella por aforcar a un gato...

Seis meses de prisión para unha parella por aforcar a un gato en Tomiño en 2017

A resolución é firme e sinala que a suspensión das penas de prisión destas persoas terá lugar durante un período de dous anos condicionado a que non volvan delinquir.

PUBLICADO O

A Sección Segunda da Audiencia Provincial de Pontevedra condenou a un home e a unha muller seis meses de prisión, respectivamente, por atrapar e, posteriormente, aforcar a un gato que deambulaba pola súa leira o 11 de setembro de 2017 en Tomiño (Pontevedra).

A sentenza tamén recolle unha condena dun ano e seis meses de prisión e unha sanción de máis de 1.000 euros para o home por un delito de suborno, que se suma ao seis meses impostos por un delito de malos tratos animais.

A resolución é firme e sinala que a suspensión das penas de prisión destas persoas terá lugar durante un período de dous anos condicionado a que non volvan delinquir. Ademais, ambos foron inhabilitados para exercicio de calquera profesión “relacionada con animais e a súa tenencia” durante dous anos. As penas de prisión e a multa solicitadas pola Fiscalía eran idénticas ás que foron impostas.

Ademais, o tribunal considerou probado que cando os axentes da Garda Civil se desprazaron ao lugar dos feitos para esclarecer o ocorrido, o home dirixiuse en varias ocasións a eles para que non levasen a cabo as súas funcións e ofreceulles un obxecto de valor como compensación. No entanto, os funcionarios declinaron a oferta.

ÚLTIMAS

Vigo, epicentro da fabricación das narcolanchas

As Forzas e Corpos de Seguridade do Estado aumentaron nos últimos días a presión policial...

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...