InicioSucesosDetidos dous veciños de Bueu ao recoller unha bolsa con droga que...

Detidos dous veciños de Bueu ao recoller unha bolsa con droga que ocultaron antes dun control de estrada

O home ocultara a droga ante a presenza dun control policial e foi detido catro horas despois cando ía recollela.

PUBLICADO O

A Garda Civil detivo a dous veciños de Bueu por un delito de tráfico de drogas despois de tentar evitar un control de estrada cando levaban 1.500 gramos de haxix. En concreto, o arresto produciuse cando volveron recoller unha bolsa coa droga que abandonaron antes do dispositivo.

Segundo informou o Instituto Armado, detivo a dous veciños de Bueu acusados dun delito contra a saúde público ao ser sorprendidos cando recollían unha bolsa con 1,5 quilos de haxix que deixaran escondida preto da estrada cando detectaron un control.

Os feitos ocorreron o pasado luns no transcurso dun control preventivo que se estableceu a media tarde na rotonda da Ameixoada, en Moaña, situada na saída do quilómetro 12 da estrada AG-46 (Rande-Cangas), cando os compoñentes do operativo tiveron coñecemento de que a escasos metros do punto de control atopábase unha persoa sentada na beiravía.

A primeira reacción do operativo, que estaba integrado por efectivos do Destacamento de Tráfico de Vilaboa e de Seguridade Cidadá da Compañía de Pontevedra, foi identificar a esta persoa que tratou de xustificar a súa presenza no lugar alegando que se apeou do vehículo no que viaxaba coa súa muller por mor dunha discusión que mantivera con ela. Concluída a súa identificación, esta persoa continúo a marcha a pé.

“Unha vez finalizado o control e ante as sospeitas que suscitara a incidencia, procedeuse a realizar unha batida pola zona onde fora identificado e localizouse unha bolsa escondida entre uns toxos do noiro situado ao bordo da estrada, con nove paquetes de diferentes tamaños, hermeticamente plastificados, que contiñan 1.500 gramos de haxix”, relataron as mesmas fontes.

Catro horas despois, o dispositivo de vixilancia que estaba establecido no lugar onde se localizou a bolsa, procedeu á detención da mesma persoa cando regresou para recoller a droga.

Ao mesmo tempo, observouse como se daba á fuga o vehículo que o estaba esperando na rotonda ao decatarse da súa detención. Despois dunha persecución de apenas uns quilómetros, os axentes alcanzárono e procederon ao seu arresto cando estaba a chegar a Bueu.

En concreto, trátase de dous veciños de Bueu de 50 e 47 anos, o primeiro deles con recentes antecedentes policiais relacionados co tráfico de drogas. Os dous detidos foron postos este martes 18 a disposición do xulgado de Instrución de garda de Cangas, que decretou liberdade provisional con cargos para ambos.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...