Un operario faleceu nun accidente mentres traballaba no monte, na zona forestal coñecida como das Pozas, no concello pontevedrés de Oia, en Loureza.
Segundo informa o 112, os feitos ocorreron sobre as 19,30 horas da tarde do martes, cando o persoal da empresa para a que traballaba o falecido, dedicada á talla de madeira , alertou ao servizo de emerxencias.
Este centro avisou a 061, á Garda Civil e aos membros do GES da Guarda. No lugar, os sanitarios só puideron certificar a súa morte.
Os bombeiros do Baixo Miño tamén foron mobilizados, así como o persoal do servizo de Gardacostas, posto que, debido ás dificultades para acceder ao corpo, barallouse a saída do helicóptero ‘Pesca 1’.