Axentes da Garda Civil de Ourense, en colaboración con compañeiros da Comandancia de Pontevedra, detiveron no aeroporto vigués de Peinador por 15 furtos en domicilios a dúas persoas de nacionalidade española que se facían pasar por revisores de gas e luz.
Segundo informou o Instituto Armado nun comunicado, as dúas persoas foron detidas por 15 delitos de furto en vivenda habitada, tres de estafa e un contra a seguridade viaria. Ademais, destacou que no operativo incautáronse gran parte dos obxectos roubados.
Estas persoas, relatan as mesmas fontes, facíanse pasar por revisores do gas e a luz para entrar no interior de vivendas de persoa de idade avanzada, ás que subtraían supostamente xoias e diñeiro.
No rexistro da súa vivenda na localidade pontevedresa de Vilagarcía de Arousa os axentes incautáronse de xoias tales como pendentes, colgante, aneis e pulseiras; 304 cartuchos do calibre 22 curto; 1.500 euros en efectivos; dous teléfonos móbiles e catro gramos de cocaína e 20 de haxix, así como utensilios para manipular sustancias estupefacientes.