Un condutor resultou ferido tras impactar unha ave contra o parabrisas do seu vehículo, cando circulaba pola VG-20 en Vigo, segundo informou o CIAE 112 Galicia. Os feitos ocorreron sobre as 21.30 horas deste domingo, cando o condutor circulaba pola VG-20 en sentido á ligazón coa AP-9. Uns minutos antes, outro condutor contactara co 112 para advertir da presenza dunha ave na vía, posiblemente un parrulo.

Os servizos de Emerxencia informaro á Garda Civil de Tráfico, Policía Local, e ao servizo de limpeza da vía. Pero pouco despois, outro condutor chamaba para informar de que unha ave impactara contra o seu parabrisas. O condutor resultou ferido nos brazos debido aos cristais desprendidos polo golpe da ave. O sinistro ocorreu á altura do quilómetro 8,5 deste viario.