Catro persoas resultaron feridas en Vigo tras bater o seu vehículo contra varios estacionados. Todos eles recibiron asistencia médica. Tal e como informou o 112 Galicia, o suceso produciuse pasadas as 3.00 da madrugada, na rúa Couto de San Honorato, en Vigo. O alertante indicou ao 112 que o turismo se saíu da vía e chocou contra outros que se atopaban estacionados.

Como consecuencia do impacto, os catro ocupantes do turismo resultaron feridos e recibiron asistencia por parte do equipo de Urxencias Sanitarias de Galicia-061, que se desprazou ao lugar dos feitos. Con todo, todos os implicados saíron polo seu propio pé do vehículo, polo que se descartou calquera tipo de rescate. Ademais do propio equipo médico, desde ou 112 solicitouse a intervención dos axentes da Policía Local, que xa tiñan unha patrulla en camiño.