Un veciño de Oia foi detido acusado de estafar a cinco persoas co falso aluguer dunha vivenda situada no centro de Baiona. A investigación, realizada no marco da Operación Falacias, permitiu pescudar aos axentes que esta persoa se facía pasar como empregado dunha inmobiliaria existente en Madrid para conseguir as chaves do inmoble, cuxos propietarios querían vender.

O agora investigado, publicitaba o piso para aluguer de longa duración desde o mes de abril en diferentes plataformas de aluguer e contactaba con diferentes persoas, atraídas polo bo prezo e a boa zona onde se sitúa. Os interesados que acudían a ver o piso se lles gustaba xa asinaban ao momento un contrato de reserva, para poder ocupalo pasados uns días. Un feito que nunca se producía posto que tras o pago xa non lograban contactar co presunto empregado da inmobiliaria, non podendo acceder a residir ao mesmo.

Así logrou estafar a cinco persoas diferentes, os cales pagaron polas reservas entre 300 e 750 euros. O presunto estafador, xa contaba con antecedentes policiais por feitos similares. Tras a recepción de todas as denuncias aos prexudicados e de acreditar que non tiña ningún tipo de vinculación coa inmobiliaria á que parecía pertencer, realízanse xestións co fin de localizar ao presunto autor, procedendo á súa detención por delito de estafa continuada. As dilixencias instruídas foron entregadas na Sección de Instrución Do Tribunal de Instancia de Vigo, Praza Nº 2.