A Policía Nacional informou da aparición do corpo sen vida da cantante viguesa Seila Álvarez, coñecida como Seila Esencia, desaparecida desde o pasado 20 de abril. Segundo fontes policiais, o cadáver foi atopado na madrugada deste martes na contorna da vía verde da cidade olívica.

Engaden, ademais, que aparentemente non hai indicios de criminalidade na súa morte, aínda que será a autopsia a que determine as causas do falecemento. A muller tiña 39 anos e participaba activamente na vida musical e artística de Vigo; en 2015 tomou parte no talent show de TVE, Hit La Canción..