Polo menos dúas persoas resultaron feridas na tarde deste xoves despois de que un camión de bombeiros impactase contra dous vehículos no barrio vigués de Coruxo. Segundo fontes do 112 Galicia consultadas por Europa Press, os feitos ocorreron minutos despois das 16.00 horas no punto quilométrico 4 da PO-325.
A persoa que alertou ao Centro Integrado de Atención ás Emerxencias explicaba que un camión de bombeiros chocara contra dous coches, podendo estar atrapado e ferido polo menos un dos condutores dos turismos. Ata o punto desprazáronse varias ambulancias de Urxencias Sanitarias de Galicia-061, os Bombeiros de Vigo, a Policía Local e a Garda Civil.
Malia que nun primeiro momento se informou da posible necesidade de realizar unha excarceración para rescatar a un dos implicados, os servizos de emerxencias confirmaron finalmente que non foi necesario utilizar material de corte para acceder á persoa herida. Ambos os dous lesionados foron trasladados ao Hospital Álvaro Cunqueiro para recibir atención médica.
Ver esta publicación en Instagram
